Carta urxente · entregada pola curuxa mensaxeira
Para os aprendices de 3, 4 e 5 anos do CEIP Condesa de Fenosa
Chámome Yuki e son a Gran Mestra da Escola Ninja da Montaña Nevada. Os meus ninjas fixéronse maiores e marcharon polo mundo a axudar á xente. Agora a miña escola está baleira e silenciosa… demasiado silenciosa. Necesito ninjas novos!
A miña curuxa mensaxeira contoume un segredo: no Barco de Valdeorras hai un cole onde os nenos e as nenas corren coma o vento, saltan coma ras, gatean coma gatos e saben quedar quietos coma sombras. Será verdade?
Por iso lle escribo esta carta ao voso sensei. Se superades as probas de ingreso, daravos o cinto branco de aprendiz. Despois, cada vez que adestredes ben un camiño novo, gañaredes un cinto de cor: amarelo, laranxa, verde… ata chegar ao cinto negro.
En xuño mandarei a miña curuxa a buscar os nomes de todos os que cheguen ao cinto negro. A todos eses contrátoos como ninjas da miña escola e mándolles o seu diploma.
Só vos pido tres cousas, as tres leis do ninja: coidar o corpo, coidar os demais e coidar o material.
Adestrade moito, aprendices. Vémonos en xuño.
Gran Mestra Yuki
P. D.: Os ninjas nunca berran no dojo. Se me queredes contestar, facédeo en silencio, co saúdo ninja.
← Volver á programación · Imprimir en A4 vertical (Cmd+P), sen marxes